Hariyali tawa chicken

          హరియాలీ తవ చికెన్ - పేరు చూసి ఇదేదో చాలా కష్టమైన వంటకమేమో అనిపిస్తుంది కదా. కానే కాదండీ. చాలా చాలా సులభంగా చేసుకోవచ్చు. అస్సలు వంట రాని వాళ్ళు కూడా  చక్కగా చేసి అందరితో శెభాష్ అనిపించుకోవచ్చు.

కావలసిన పదార్థాలు :

చికెన్ - 250 gms

పుదీనా - గుప్పెడు

కొత్తిమీర - గుప్పెడు

కరివేపాకు - 1 రెమ్మ

పచ్చి మిరపకాయ - 1

అల్లం - ఒక అంగుళం ముక్క

వెల్లుల్లి - 7 రెబ్బలు

గరం మసాలా - 1/2 స్పూన్

పసుపు - 1/4 స్పూన్

ఉప్పు - తగినంత

నూనె - 2 స్పూన్స్

తయారుచేసే విధానం :

1. చికెన్ ని ఐదు సార్లు పసుపు, ఉప్పు వేసి బాగా శుభ్రంగా కడగాలి

2. పుదీనా, కొత్తిమీర, కరివేపాకు, పచ్చి మిరపకాయ, అల్లం, వెల్లుల్లి, గరం మసాలా, పసుపు, ఉప్పు అన్నీ కలిపి మెత్తగా నూరుకోవాలి.

3. చికెన్ కి ఈ పేస్ట్ బాగా పట్టించి కనీసం ఒక గంట సేపు నానబెట్టాలి.

4. ఒక గంట తర్వాత cast iron పెనుము తీసుకుని medium మంట మీద వేడి చేయాలి. 2 స్పూన్స్ నూనె వేసి, కాగాక చికెన్ ముక్కలు పెనుము నిండా పరచాలి. మూత పెట్టి 5 నిమిషాలు వేగానివ్వాలి. తర్వాత ముక్కలన్నింటిని తిప్పి మరో 5 నిమిషాలు వేయించాలి. మూత తీసి చికెన్ మాడిపోకుండా వాటిని తిప్పుతూ అన్ని వైపులా సమానంగా వేయించాలి.

5. ప్లేట్ లోకి తీసుకుని మిరియాలపొడి చల్లుకోవాలి. 

          చాలా తక్కువ నూనెతో ఎంతో రుచికరమైన హరియాలి తవ చికెన్ మీరు కూడా చేసి చూడండి.