మటన్ కీమా వడలు

కావలసిన పదార్థాలు :

మటన్ కీమా - 100 గ్రాములు

శనగపప్పు - 4 స్పూన్స్

కారం - 1/2 స్పూన్

పసుపు - కొద్దిగా

ఉప్పు - తగినంత

అల్లం వెల్లుల్లి పేస్ట్ - 1/4 స్పూన్

దాల్చినచెక్క - 1 అంగుళం ముక్క

లవంగాలు - 3

సోంపు - కొద్దిగా

పచ్చిమిరపకాయ - 2

ఉల్లిగడ్డ - 1

కొత్తిమీర - గుప్పెడు

నూనె - డీప్ ఫ్రై కి సరిపడా

తయారుచేసే విధానం :

1. మటన్ కీమాని శుభ్రంగా కడిగి, అందులో పసుపు, ఉప్పు, కారం, అల్లం వెల్లుల్లి పేస్ట్ వేసి కలిపి 2 గంటలు నానబెట్టుకోవాలి.

2. శనగపప్పుని అరగంట సేపు నానబెట్టుకోవాలి.

3. బాగా నానిన శనగపప్పు, సోంపు, లవంగాలు, దాల్చినచెక్క రుబ్బుకోవాలి.

4. చివరగా మటన్ కీమాని వేసి కొద్దిగా రుబ్బుకోవాలి. 

5. ఈ మిశ్రమంలో తరిగిన ఉల్లిపాయలు, కొత్తిమీర వేసి కలుపుకోవాలి.

6. వీటిని చిన్న చిన్న వడల్లా వత్తుకుని నూనెలో వేసి వేయించాలి. తక్కువ మంట మీద వడలు చక్కగా వేగేలాగా వేయించాలి.

సాయంకాలం పూట స్నాక్స్ లా చేసుకుని ఇంటిల్లిపాది ఆనందించండి.